Shumë njerëz vuajnë nga simptomat e ankthit, por pak njerëz marrin hapa për të ndihmuar në çlirimin ose lehtësimin e ndjenjave. Përfshirja e stërvitjes në rutinën tuaj të përditshme është një mënyrë e shkëlqyer për të përmirësuar shëndetin tuaj mendor, duke kontribuar edhe në shëndetin tuaj fizik.
Vrapi
Shumë njerëz vrapojnë për të zbutur ankthin që ndjejnë. Përfshirja e këtij aktiviteti të dobishëm kardiovaskular në rutinën tuaj sjellë përfitime afatshkurtra dhe afatgjata. Gjatë vrapit trupi lëshon endorfine, një kimikat të ndjeshëm që përmirëson gjendjen tuaj dhe ju jep një ndjenjë lumturie. Studimet kanë treguar se vrapi i rregullt ka ndihmuar edhe në zbutjen e simptomave të depresionit.
Joga
Përfitimet praktikimit të jogës janë dokumentuar, pasi praktika e lashtë është e njohur për efektet që jep jo vetëm në sëmundjet fizike, por edhe në sëmundjet mendore. Joga është një formë çlirimit nga ankthi, sepse përfshin meditimin dhe teknika të frymëmarrjes që përdoren për të qetësuar mendjen. Joga në mënyrë specifike redukton simptomat e stresit dhe ankthit.
Kërcimi
Kërcimi është pothuajse gjithmonë garanton ngritjen e humorit. Nuk ka rëndësi nëse kërceni në dhomën tuaj vetëm apo me miqtë në një klub, kërcimi do t’ju ndihmojë të çlironi ankthin. Një studim madje zbuloi se kërcimo mund tju ndihmojë për zbutjen e ankthit shumë më tepër se sa format tradicionale të stërvitjes.
Alpinizmi
Të kalosh kohë në natyrë është një mënyrë e shkëlqyer për t’u larguar nga streset dhe ankthet e përditshme. Shpenzimet e pak orëve në natyrë dhe larg teknologjisë mund tju ndihmojnë në përmirësimin e gjendjes suaj. Alpinizmi është një mënyrë e shkëlqyer për të bashkuar stërvitjen edhe natyrën në një. Një ushtrimi i quajtur “banjë e pyjeve”, filloi si një praktikë në Japoni, por ka treguar se përmirëson ndjeshëm gjendjen shpirtërore. Banjë e pyjeve përfshin një shëtitje të kujdesshme nëpër pyje ose në ndonjë mjedis tjetër natyror, vetëm duke gllabëruar mjedisin rreth jush.
Palestra
Palestra nuk mund të konsiderohet si një aktivitet që “të bën të ndjehesh mirë”, por studimet kanë treguar se kjo praktikë mund të ndihmojë në lirimin e ankthit dhe stresit. Kjo mund të ndodhë sepse gjatë ushtrimit të forcës dhe energjisë në trup shpesh përfshihen edhe praktika të ngjashme me meditimin dhe jogat, si përqendrimi në trupin dhe frymën tuaj.
Përshtati për Tirana Today, Refxhei Tola
