Nga 11 vendet vakante të anëtarëve të Këshillit Drejtues të RTSH do të garojnë edhe 5 emra për kryetarë. Nga këto është ish nëndrejtori dhe drejtori i komanduar të RTSH-së Martin Leka. Ndërsa 4 emrat e tjerë janë Alfred Dalipi, Helidon Haliti, Thanas Goga dhe Fatjon Hoxhalli.
Njëri nga këta që do të fitojë garën do të zëvendësojë ish kryetarin Leka Bungo. Këshilli Drejtues i RTSH-së me 11 anëtarë dhe kryetarin e tij u shkarkua nga Parlamenti pas shkeljeve të gjetura në procesin e konkurrimit për drejtor të RTSH-së.
