Përzgjedhjen e bëjnë lojtarët, prandaj Argjentina nuk fiton trofe

Pavarësisht se Argjentina humbi një lojtarë mjaft të rëndësishëm si Lanzini dhe zëvendësuesi i tij ideal pritej të ishte Mauro Icardi, kjo gjë nuk ka ndodhur. Bomberi i Interit vazhdon të injorohet nga trajneri Jorge Sampaoli dhe para tij zgjedh një 32-vjeçarë si Enzo Perez i cili luan për River Plate. Një tregues i qartë se tek Argjentina nuk vlerësojnë talentin e futbollistëve dhe ndoshta kjo është një nga arsyet kryesore pse ata në tre finale nuk kanë arritur të triumfojnë.Statistikat vërtetojnë që mes kombëtares dhe Icardit ka një krisje të fortë dhe dikush i fuqishëm nuk e do në ekip atë. Perez këtë sezon ka zhvilluar vetëm 18 ndeshje në kampionat dhe nuk ka gjetur asnjëherë rrugën e rrjetës, ndërsa Icardi e mbylli si kryegolashënues me 29 gola në Serie A.Një tjetër dëshmi e qartë që jo vetëm trajneri , por edhe senatorët janë kundër afrimit të Icardit në skuadrën përfaqësuese. Në prag të Kupës së Botës situata nuk ka shkuar edhe aq mirë për Argjentinën, fillimisht u anulua miqësorja me Izraelin për çështje sigurie, më pas erdhi dëmtimit i rëndë i Lanzinit. “Albiçelestët” nuk kanë pasur mundësinë të kolaudohen si duhet,teksa me datë 16 qershor “La Selecion” do të debutojë kundër Islandës. Argjentina vitet e fundit ka prekur tre finale dhe nuk ka ngritur asnjë trofe në qiell.