Prej disa ditësh në mendjen e të gjithë neve kalon e njëjta pyetje. Nga doli Kriza e Katarit? Dhe kur ndjekim zhvillimet dhe analizat në lidhje me çështjen, ndeshemi me argumente të shumëllojshme.
Le të përcaktojmë përfundimet tona, duke i hedhur një sy zanafillës, me provat e këtij lëmshi.
Drejtuesve dhe bashkëpunëtorëve të gjirit të Katarit iu është dalë kundër në më shumë se një çështje. E sigurt që Emiratet e Bashkuara Arabe, Egjipti dhe Arabia Saudite, e cila kryeson bllokadën e nisur ndaj Katarit, kanë hesape për të larë.
Shqetësimi nuk është vetëm në një fushë, sigurisht. Lëvizja e Katarit bashkë me Iranin largoi gëzimin e autokratëve të Gjirit. Rezerva më e madhe e gazit natyror në botë, pas Rusisë dhe Iranit është në Katar. Dhe kjo do të thotë fuqi.
Afrimi i Katarit me Iranin, mospranimi si lëvizje terroriste e Lëvizjes Ihvan-ul Muslimin në Egjipt, dashuria dhe interesimi i madh që ushqen për Turqinë, autokratëve të Gjirit Persik nuk u pëlqeu.
ISIS për herë të parë në historinë e vet, menjëherë pasi doli në shesh e fshehta e Krizës së Katarit, sulmoi Iranin. Për rrjedhojë të sulmit, Irani bëri përgjegjëse Arabinë Saudite. Dhe një ditë pasi përgjegjëse të këtij sulmi bëri Arabinë Saudite, Iranit i erdhi një ftesë nga Putin.
‘‘Tashmë Iranit i ka ardhur koha të bëhet anëtare në Organizatën e Bashkëpunimit të Shangait’’ tha Presidenti i Rusisë.
Në këtë kohë edhe në Angli u organizuan sulme terroriste, të cilat rastisën menjëherë përpara zgjedhjeve. Edhe këto sulme i mori përsipër ISIS. Tashmë nuk është e fshehtë që marrëdhëniet me SHBA –në, po i shkojnë keq. Ndërsa me Izraelin, në këtë periudhën e fundit, nuk janë fare mirë.
Dhe në këto zhvillime ka shumë gjëra për të shtuar, si për shembull deklarata e Trump në periudhën e zgjedhjeve i cili tha: Borxhin tonë 19 trilion dollarë do ta bëjë që ta paguajnë vendet e Gadishullit Arabik. Dhe në të njëjtin fjalim shtoi, ‘‘vendet e Gjirit nuk mund ta zgjasin dot ekzistencën e tyre pa qenë ne, sepse e vetmja gjë që ata posedojnë është paraja’’.
Atëherë vijmë tek thelbi:
- Çeta botërore me qendër SHBA-të do të vazhdojë të bëjë të pamundurën për të nxjerrë një luftë sektare në Lindjen e Mesme. Lufta sektare më tepër do t’i shërbejë Izraelit.
- Vendet si Arabia Saudite, Egjipti dhe Emiratet e Bashkuara Arabe janë vende të cilat dhunojnë popujt e tyre dhe kanë frikë nga kërkesat demokratike. Dhe për të vazhduar administrimin që kanë ndërtuar rreth frikës kanë nevojë për Izraelin dhe SHBA-të. Në të kundërt, si do ta rrëzonin Mursin që u zgjodh me vota demokratike në Egjipt?
- Për sa më sipër, Katari është aktori që prishi lojën e tyre dhe për këtë arsye do t’i ngarkojnë akoma gjëra të tjera.
- Sa herë që Kombet e Bashkuara shtrëngojnë Izraelin, Lobi Sionist në SHBA e kthen Lindjen e Mesme në liqen gjaku duke sulmuar edhe më ashpër. Tre ditë më parë Sekretari i Përgjithshëm i Kombeve të Bashkuara, Guterres, i kërkoi Izraelit t’i jepte fund pushtimit 50 vjeçar.
- Marrëveshja 350 miliardë dollarësh e armëve nuk e ka ngopur Amerikën. Trump po përpiqet me sa të mundet të shesë armë ngaqë në zgjedhjen e tij si president e kanë në dorë edhe Lobet e Armëve.
Si përfundim këto janë qëllimet kryesore: Nxitja e një lufte sektare, legjitimiteti i pushtimit Izraelit, pështjellimi pa pushim i vendeve të Gadishullit Arabik dhe vazhdimi i konflikteve në Lindjen e Mesme.
Nevojitet të thuhet që rajoni ka nevojë për liderë të suksesshëm dhe me vizion të gjerë, për të shpëtuar këtë qytetërim.
InternetHaber/ Selman Ogut
