Katër gjyqtarë futbolli kanë pësuar aksident teksa udhëtonin në aksin rrugor Përrenjas-Librazhd. Mësohet se aksidenti ndodhi në vendin e quajtur Përrenjas Fshat, ku janë përplasur dy automjete, njëra prej të cilave është përmbysur.
Gjyqtarët kanë pësuar dëmtime të lehta dhe ndodhen jashtë rrezikut për jetën. Emrat e tyre janë, Amarildo Gjeci, Ergin Morina, Xhuljan Rroshi dhe Daniel Vrapi. Ata po udhëtonte drejt Maliqit për të drejtuar në takimin e Kategorisë së Dytë mes Maliqit dhe Termit.
Në po të njëjtin aks rrugor ka ndodhur një tjetër aksident, konkretisht në vendin e quajtur Kthesa e Pishkashit. Në aksident janë përfshirë një furgon dhe një autoveturë, të cilat kanë pësuar dëme të konsiderueshme materiale.
Në vendngjarjes kanë mbërritur Policia dhe Autoambulanca, ndërsa nuk dihen ende rrethanat e aksidenteve.
