Një grua është qëlluar për vdekje dhe dhjetëra persona të tjerë janë plagosur në kryeqytetin e Venezuelës në Caracas, të mërkurën gjatë përplasjes mes mbështetësve të opozitës dhe forcave pro-qeveritare.
Ushtria po ashtu ka hedhur gaz lotsjellës dhe ujë me presion mes demonstratave rivale. Lideri i opozitës, Juan Guaido bëri thirrje që të kapeshin përgjegjësit për vrasjen e një 27-vjeçareje.
Ndërkohë, Guaido apeloi po ashtu për një seri grevash për të detyruar presidentin Maduro që të lërë pushtetin.
Ai u kërkoi të punësuarve publikë të veprojnë të enjten. Guaido u vetëdeklarua në janar si udhëheqës i përkohshëm i Venezuelës dhe është njohur nga më shumë se 50 vende, përfshirë SHBA, Mbretërinë e Bashkuar dhe shumicën e vendeve të Amerikës Latine.
Por Maduro, i cili ka mbështetjen e Rusisë dhe Kinës, ka refuzuar të japë pushtetin.
Presidenti hodhi poshtë sugjerimet se ai kishte qenë i gatshëm të largohej nga vendi dhe akuzoi SHBA për drejtimin e një grushti tentativash. “Ata që përfshiheshin do të dënoheshin ashpër”, tha ai.
