Duket se fjala e Metës është dëgjuar nga Rama, duke çuar deri në fund misionin e tij. Ajo çfarë u përfol për ditë me radhë, se ka qënë Meta që ia kishte bërë një propozim vetë Ramës që të mbante të dy postet, u konkretizua gjatë mesditës së sotme. Rama nuk lejoi asnjë figurë të PS që të merrte drejtimin e diplomacisë, duke e marë vetë përsipër.
Duke parë edhe mesazhet nga të dy palët në rrjetet sociale, nuk të linin shijen e një mosmarrëveshje, por përkundrazi. Qëndrimet nga Rama e Meta ishin mëse të buta. Kryeministri Rama tha se do e dërgojë çështjen në Kushtetuese, kurse Ilir Meta tha se nuk ka më shtet fals në Shqipëri.
A është ky triumf në dëm të Lulzim Bashës, siç kanë komentuar disa analistë, që thonë se opozitën e vërtetë po e bën Ilir Meta? Edhe kjo vështirë të thuhet, në kushtet kur pavarësisht tensioneve, Edi Rama ia ka lënë gjithmonë një derë hapur kreut të shtetit.
Përplasja në distancë mes Ramës e Metës u kthyen në kryefjalë të ditës, lidhur me mos dekretimin e Cakajt si Ministër të Jashtëm. Presidenti Meta vendosi që të refuzonte dekretimin e Cakajt si ministër, duke mos aprovuar njekohësisht shkarkimin e Bushatit.
Por pas mbarimit të afatit Kushtetues të Metës, për ç’dekretimin e Bushatit, kryeministri nuk ka zgjedhur që t’i delegojë kompetencat Cakajt përmes Parlamentit, por t’i marrë vetë frerët e Ministrisë, ashtu si dhe homologu i tij grek Tsipras.
