Presidenti turk, Rexhep Taip Erdogan u ka bërë thirrje turqve që të mos blejnë mallrat franceze.
Gjatë një fjalimi në televizion, ai u bëri thirrje udhëheqësve botërorë të mbrojnë muslimanët “nëse ka shtypje ndaj tyre në Francë”.
Erdogan ka kritikuar me zemërim homologun e tij francez Emmanuel Macron, dhe tha se ai ka një problem me myslimanët dhe ka nevojë për kontrolle të shëndetit të tij mendor.
Kjo përplasje, vjen pasi një militant islamik i preu kokën një mësuesi francez, si hakmarrje ndaj përdorimit prej tij të karikaturave të Profetit Muhamed gjatë një ore mësimi për lirinë e shprehjes, shkruan BBC.
”Franca nuk do të heqë dorë nga karikaturat tona”, tha Presidenti Macron në fillim të kësaj jave.
Presidenti Macron ka deklaruar se do të luftojë “separatizmin islamik”, i cili, sipas tij, po kërcënon të uzurpojë disa komunitete myslimane të Francës.
