Monika Kryemadhi pranoi publikisht mbrëmjen e djeshme në “Open”, se është kërcënuar. Kjo sipas kryetares së LSI, është dhe arsyeja se pse ka dërguar vajzën e saj në një kolegj në Angli.
Paralelisht me Kryemadhin në “Open”, ishte i ftuar edhe Ilir Meta në “News 24”. Presidenti Meta, teksa është pyetur për kërcënimet për të cilat foli bashkëshortja e tij, tha se “nuk di gjë”, duke mos u prononcuar për këtë fakt.
“Po Meta di vetëm të firmosë dekretet”, ironizoi Kryemadhi, teksa më tej pohoi se në fakt ata e kanë diskutuar, por Presidenti mesa duket ka preferuar mos shprehet për këtë çështje mediatikisht.
“I kam thënë. Nëse do ishte më i vërtetë, do ishte më i pëlqyer në publik”, shtoi Monika Kryemadhi.
