Përplasja Ajeti-Berisha/Mbrojtësi “turpëron” gardianin (Video)

Përballja mes Crotone dhe Atalantës, ishte edhe një duel mes dy lojtarëve të kombëtares shqiptare. Ndeshja përfundoi në barazim 1-1 dhe golat u shënuan në pjesën e dytë. Ishte pikërisht Arlind Ajeti ai që tronditi gardianin Berisha me një goditje me kokë dhe këtij të fundit i ikën topi nga duart duke i dhënë mundësinë Mandragorës të zhbllokojë takimin.

Vetëm 2 minuta nga përfundimi i takimit Palomino barazoi shifrat. Pavarësisht gabimit në rastin e golit Berisha priti më herët disa goditje të vështira duke shpëtuar disa herë portën e tij nga gola të sigurt.

“Eurosport” e vlerëson shqiptarin Arlind Ajeti me notën e lartë, 7 për të cilin shkruan se “pavarësisht se është një mbrojtës trajneri Zenga e hodhi në fushë në mesin e saj ku lojtari tregoi se vlen. Fondamentale ajo goditje që zhbllokoi rezultatin”.

Ndërsa për portierin shqiptar, Ertit Berisha “Eurosport” jep notën 5 duke shkruar se “veproi gabim në goditjen e Ajetit që me lëshimin e topit nga dora i dha një dhuratë kundërshtarit për të shënuar”.