Një aksident i rëndë ka ndodhur në afërsi të Milanos, ku një tren ka dalë nga shinat duke shkaktuar vdekjen e dy personave dhe plagosjen e rreth 100 personave.
Sipas medieve italiane, zjarrfikësit po përpiqen të lirojnë disa nga njerëzit e bllokuar, mes stacioneve të Treviglio dhe Pioltellos, ndërsa dhjetë persona janë lënduar në mënyrë kritike.
Aksidenti ndodhi mëngjesin e sotëm, teksa treni po udhëtonte nga Cremona në Milano, ndërsa shkaku i përplasjes nuk është ende i qartë.
