BE i përgjigjet negativisht letrës së Gjermanisë e cila nëpërmjet saj kërkonte sanksione ekonomike kundrejt Turqisë. Pretendimet në lidhje me kërkesën e Gjermanisë për pezullimin e punimeve të Përditësimit të Marrëdhënieve Doganore me Turqinë dhe bllokimin e fondeve para përfshirjes së saj në Bashkimin Evropian u sollën si rend dite në konferencën ditore për shtyp të Komisionit të Bashkimit Evropian.
Ndihmësja e Zëdhënëses së Komisionit të BE Mina Andreeva tha se nuk do të ndaloj në komentet në lidhje me spekulimet, por kujtoi se javën e kaluar u mbajt Mbledhja e Dialogut të Nivelit të Lartë BE-Turqi dhe “Përditësimi i Bashkëpunimit Doganor është diçka që vet ne ua kemi propozuar vendeve anëtare”.
Kurse Raportuesi Carlos Martin Ruiz De Gordejuela tha se është e nevojshme vazhdimësia e marrëdhënieve Turqi-BE në kuadër të zhvillimeve të fundit duke u fokusuar në fushat si epërsia e gjyqësorit, të drejtat themelore dhe reformat me fonde mbështetëse.
Bashkëpunimi me Turqinë është i nevojshëm
Gordejuela vlerësoi kërkesën e qeverisë Gjermane për një presion financiar ndaj Turqisë dhe sqaroi se para marrjes së një vendimi të tillë është e nevojshme të analizohen të gjitha çështjet në marrëdhëniet dypalëshe.
“Çdo vendim në lidhje me ndalimet financiare duhet marrë duke marrë parasysh përfundimet e mundshme për përfitimet e BE-së në Turqi dhe afrimin tonë në drejtim të marrëdhënieve me Turqinë. Komisioni Evropian mendon se është e nevojshme bashkëpunimi me Turqinë në dritën e zhvillimeve të fundit. Komisioni vlerëson se Përditësimi i Bashkëpunimit Doganor me Turqinë do të siguroj përfitime të rëndësishme për të dyja palët” deklaroi Gordejuela.
