Dy trena janë përplasur në verilindje të Spanjës, duke lënë 155 persona me lëndime të lehta, sipas autoriteteve katalane.
“Midis pasagjerëve, disa persona u plagosën lehtë dhe janë në pritje të vlerësimit”, thanë shërbimet lokale të urgjencës në Twitter.
Zyrtarët nuk dhanë detaje të mëtejshme mbi natyrën e lëndimeve, por media lokale tha se askush nuk ishte lënduar rëndë.
Tre persona deri më tani janë transferuar në qendra të ndryshme shëndetësore me lëndime të lehta, shkruan Drejtoria e Përgjithshme e Mbrojtjes Civile.
Përplasja ndodhi në një linjë treni në Montcada i Reixac, një qytet në veri të Barcelonës.
Përfaqësuesja e qeverisë katalanase në Madrid, Ester Capella, i tha Radios Kombëtare Spanjolle se zyrtarët po hetojnë incidentin.
Trenat ishin nga ofruesi i transportit publik Rodalies de Catalunya (Rodalíes), i cili ka operuar linjat e trenave në Barcelonë që nga viti 1990.
Burimi i lajmit: Sky News. Përshtatur nga Tirana Today
