Një aksident i rëndë rrugor me 5 të plagosur ka ndodhur orët e vona të kësaj të hëne në autostradën Lezhë-Laç.
Sipas raportimeve nga vendngjarja, dy automjete janë përplasur me njëri-tjetrin në afërsi të urës së Milotit, duke bërë që dy prej të plagosurve të dërgohen në gjendje të rëndë drejt Tiranës, ndërsa 3 të tjerë për në Spitalin Rajonal të Lezhës.
Policia, ambulanca dhe zjarrfikësja kanë shkuar menjëherë në vendngjarje, për të ofruar ndihmën e shpejtë.
Ndërkohë, po hetohet edhe për shkaqet dhe rrethanat e plota të aksidentit rrugor. Kushtet e rënduara të motit mund të jenë një nga shkaqet.
