Një ngjarje aspak e zakontë ka ndodhur në Elbasan, ku një 45-vjeçar ka përndjekur vazhdimisht një vajzë, derisa e ka përplasur atë me makinë qëllimisht.
Shtetasi A.S. ka përndjekur 27-vjeçaren me iniciale Z.K., të cilën më pas e ka përplasur për ta dëmtuar. Por, ‘i forti’ nga Elbasani ka habitur policinë, pas kontrollit që kjo e fundit ka bërë në banesën e tij, ku i kanë gjetur dhe sekuestruar një automatik dhe 56 fishekë të kalibrit 7.62mm.
Njoftimi i policisë:
Komisariati i Policisë Elbasan
Më datë 13.01.2018, u arrestua në flagrancë shtetasi A.S, vjeç 45, banues në Elbasan, pasi në lagjen “Dyli Haxhire”, me mjetin tip “Benz” i ka dëmtuar qëllimisht mjetin tip “Ford” dhe ka përndjekur, shtetasen Z.K, vjeç 27, banuese në Elbasan. Nga kontrolli në banesë ju gjetën e bllokuan me cilësinë e provës materiale një automatik dhe 126 fishekë model 56 kalibër 7.62 mm. Materialet u referuan në Prokurorinë e Rrethit Gjyqësor Elbasan. Nenet 121/a/2, 150 dhe 278/2/3 të Kodit Penal.
