Mbrëmjen e djeshme, një aksident me pasojë jetën ka ndodhur në fshatin Portëz, ku drejtuesi i mjetit pasi ka përplasur një 55-vjeçar, është larguar në këmbë dhe mjetin e ka lënë aty.
Automjeti tip “Opel” në emër të shtetasit me inicialet V.P, 54-vjeç, ka aksidentuar shtetasin me inicialet Y.A, 55-vjeç, banues në fshatin Portëz, i cili ka ndërruar jetë në Spitalin Rajonal Fier.
“Në datën 13.08.2018, rreth orës 23:10, në fshatin Portëz, automjeti tip “Opel” në emër të shtetasit V.P, 54-vjeç, ka aksidentuar shtetasin Y.A, 55-vjeç, banues në fshatin Portëz, i cili ka ndërruar jetë në Spitalin Rajonal Fier.
Drejtuesi i mjetit, pasi e ka goditur këmbësorin, është larguar në këmbë nga vendngjarja dhe mjetin e ka lënë aty”.
Grupi hetimor po punon për zbardhjen e plotë të ngjarjes, dhe kapjen e drejtuesit të mjetit.
