Një automjet ka përplasur një këmbësor dhe gjithashtu ka marrë përpara edhe tre makina që kanë qenë të parkuara. Aksidenti ka ndodhur mëngjesin e sotëm, në aksin nacional Mallakastër-Memaliaj, në fshatin Krahës, në vendin e quajtur “Kthesa e Kalivaçit”. Shtetasi me inicialet V. K., duke drejtuar automjetin tip “Mitsubishi” ka goditur tre mjete të parkuara dhe këmbësorin; shtetasin Q. H., 87 vjeç. Ky i fundit u transportua për në spital, dhe ndodhet jashtë rrezikut për jetën.
Tepelenë/Informacion paraprak
Rreth orës 08:35, në aksin nacional Mallakastër-Memaliaj, në fshatin Krahës, në vendin e quajtur “Kthesa e Kalivaçit”, shtetasi V. K., banues në fshatin Peshtan, Tepelenë, duke drejtuar automjetin tip “Mitsubishi” ka goditur tre mjete të parkuara (dëme materiale) dhe (këmbësorin) shtetasin Q. H., 87 vjeç, banues në fshatin Kalivaç, Memaliaj, i cili u transportua për në spital, jashtë rrezikut për jetën. Nga shërbimet e Policisë Rrugore është shoqëruar drejtuesi i mjetit, shtetasi V. K. Në vendngjarje ndodhet grupi hetimor dhe po punon për zbardhjen e shkaqeve të aksidentit.