Policia e Kosovës ka kërkuar ndihmën e qytetarëve për kapjen e një personi, i cili ka ngacmuar seksualisht vajzat e mitura. Teksa ka publikuar foton, policia bën me dije se personi problematik është shtetasi Destan Qorri nga Drenasi.
Sipas policisë, Qorri akuzohet për tri vepra penale “dhunim, sulm seksual dhe kanosje”, ku viktimat janë femra (të mitura).
“Referuar tri veprave penale (dhunim, sulm seksual dhe kanosje) që kanë ndodhur në rajonin e Drenasit, ku viktimat janë femra (të mitura), Drejtoria Rajonale e Policisë – Prishtinë me autorizim të Prokurorisë së shtetit, shpallë në kërkim personin e dyshuar; DESTAN QORRI (1986).
Të gjithë ata që kanë informacione lidhur me vendndodhjen e tij, ta njoftojnë policinë në numrin 192″, thuhet në njoftimin e policisë.
