Një 26-vjeçar ka rënë në prangat e policisë së Burrelit, pasi akuzohet për “Përndjekje”.
Duke iu referuar njoftimit të policisë, i arrestuar identifikohet me inicialet A.M., banues në Burrel, ndërsa dyshohet se përndiqte ish-bashkëshorten.
Njoftimi i policisë:
“Nga Shërbimet e Komisariatit të Policisë Mat, u kap dhe ndalua shtetasi: A.M, 26 vjeç, banues në Burrel. Ky shtetas, është shpallur në kërkim nga Shërbimet e Komisariatit të Policisë Mat, për veprën penale të “Përndjekjes”,si dhe në ngarkim të tij, Gjykata e Rrethit Gjyqësor Mat ka vendosur si masë sigurimi “Arrest në burg”, për këtë vepër penale. Materialet i kaluan Prokurorisë për veprime të mëtejshme”, njoftimi i policisë.
