Moti i keq ka shkaktuar probleme edhe me energjinë elektrike, pasi përmbytjet kanë shkaktuar defekte në disa zona.
Rreth 90% e defekteve, raporton OSHEE, janë shfaqur në zonat rurale, ndërsa sipas saj janë vendosur në gatishmëri rreth 2200 punonjës, në nënstacione, fidra dhe nivel kabinash.
“Rajonet më të prekura nga defektet janë Elbasani, Gjirokastra dhe Vlora.
Për shkak të kushteve të rënduara atmosferike, hasim në vështirësi për riparimin e defekteve, sidomos në zonat rurale ku kryesisht linjat janë ajrorë dhe terren i lagësht.
Theksojmë se për shkak të motit të keq me erëra dhe reshje të dendura që ka përfshirë vendin, afro gjysma e linjave që nuk punojnë janë stakuar nga vet OSHEE si masë sigurie për të evituar rreziqet në rrjetin shpërndarës të energjisë elektrike”, shkruhet në njoftimin e OSHEE.
