Sipas një studimi të Bankës Botërore, Shqipëria dhe Zvicra janë shtetet me sasinë me të lartë të reshjeve vjetore
Në hartën globale të reshjeve të publikuar së fundmi nga BB, Shqipëria rezulton një nga vendet me intensitet të lartë të reshjeve me një mesatare 1,485mm në vit.
“Stafetën” për nga volumi i reshjeve, e mban Zvicra me 1,537mm në vit.
Më tej në renditje vijnë, Norvegjia, Britania e Madhe, Austria, Kroacia dhe Bosnja, të cilat kanë reshje vjetore në sasi më të lartë se 1000 mm.
Kolumbia ka reshjet më të larta vjetore në rang global, me 3,240 mm dhe vende të tilla si ishujt e Indonezisë me mbi 2000 mm në vit.
Krahas publikimit të hartës së reshjeve, Banka Botërore kërkon nga vendet që janë më të prekura që të investojnë më shumë në teknologjinë e parashikimit të motit, në mënyrë që të minimizohen humbjet ekonomike që krijon ndryshimi i motit.
