Situata e rënduar nga përmbytjet në Shkodër ka sjellë edhe izolimin nëpër fshatra të të sëmurëve dializantë. Ditën e sotme u është dhënë ndihma e menjëhershme tre pacietëve dializantë, duke asistuar ushtria dhe mjekët, duke i trasportuar kështu drejt spitalit të Shkodrës.
Tre pacientë dializantë u transportuan sot me autoambulancë nga fshatrat Dajc, Pentar dhe Velipojë me ndihmën e ushtrisë dhe aktualisht po marrin shërbimin e dializës në spitalin e Shkodrës.
Ministria e Shëndetësisë bën me dije se, të gjitha strukturat shëndetësore pranë zonave të përmbytara janë në gadishmëri te plotë.
Me herët, 3 pacientë me probleme kardiake dhe bronkopneumoni u asistuan nga mjeku i qendrës shëndetësore Dajç, Besnik Haxhia dhe më pas kanë marrë shërbim të specializuar në spitalin e Shkodrës.
“Po monitorohen rregullisht nga ekipi i mjekëve edhe 70 të evakuuarit që janë vendosur në Konviktin e Shkolles Industriale.
Në masat e marra nga strukturat e shëndetësisë, është vendosur shërbim 24 orë në qendrat shëndetësore Dajç dhe Bërdicë. Ndërkohë 2 auotambulanca janë vendosur në gatishmëri 24 orë në kryqëzimin e Dajcit dhe ne Malin Kolaj, ku janë edhe pikat e ushtrisë.
Nga ana tjetër, strukturat e shëndetit publik po kryejnë monitorimin e situatës së ujit të pijshëm në të gjithë zonat e përmbytura”, thuhet në njoftimin e MSH.
