Pas mungesës disa ditore të reshjeve intensive të shiut, është përmirësuar situata në zonat e përmbytura në Shkodër.
Një njoftim të tillë e ka bërë dhe Ministria e Mbrojtjes e cila tha se, niveli i ujit në zonat e përmbytura në Shkodër është në rënie dhe situata është drejt përmirësimit.
Sipas njoftimit të bërë, niveli i ujit ka rënë deri në 30 cm dhe gjendja në fshatin Obot, i cili u paraqit më problematiku, është drejt përmirësimit.
Ndikim në rënien e nivelit të ujit ka dhënë dhe mungesa e shkarkimeve në kaskadën e Drinit, gjë e cila u njoftua nga KESH pasditen e djeshme.
Ministria e Mbrojtje ka bërë të ditur se Forcat e Armatosura vazhdojnë në terren në ndihmë të qytetarëve të zonave të prekura nga përmbytjet dhe po bëhen gati shpërndarja e ndihmave për të prekurit nga fatkeqësia natyrore.
