Për shkak të bllokimit të kolektorit, spitali i Shkodrës dje mori një tjetër pamje nga reshjet intesive të shiut. Brenda ambienteve u krijua një situatë e nderë, e ndërsa të gjithë nxitonin për të nxjerrë ujin jashtë.
Por pas rikthimit të situatës drejt normalitetit, duket se është zbardhur edhe shkaku i krijimit të kësaj gjendje. Është drejtoresha Teuta Rrjolli, e cila deklaron se është zbuluar edhe shkaku i përmbytjes, që sipas saj, ka ardhur nga bllokimi i kolektorit, ku njëri prej tubacioneve të shkarkimit kalon në pjesën e tarracës së këtij reparti.
Ajo mohon që punimet e kryera dy vite më parë në këtë godinë të jenë shkaktare të vërshimit të ujit, por sqaron se defekti është riparuar menjëherë nga ndërmarrja e ujësjellës–kanalizime, shkruan “Ora News”. Sot situata paraqitet më e qetë, dhe çdo gjë i është rikthyer normalitetit.
