Disa adoleshentë janë përleshur me njëri-tjetrin në një kamp refugjatësh në Greqi, ditën e shtunë. Nga ky sherr, një person ka humbur jetën, ndërsa dy të tjera janë plagosur. Njëri prej të cilëve ndodhet ne gjendje të rëndë për jetën.
Sipas mediave vendase, të gjithë personat e përfshirë në këtë ngjarje janë të mitur. Mësohet se konflikti u shënua në orët e vona të natës, ku një i ri i moshës 15-vjeçare u vra me thikë nga një tjetër i mitur.
Ndërkohe, policia po heton në lidhje me zbardhjen e plotë të kësaj ngjarje të rëndë si dhe identifikimin e autorit që kreu krimin.
Mësohet se në këtë kamp refugjatësh ndodhen 600 fëmijë të pashoqëruar nga prindërit, në një kohë kur kapaciteti i akomodimit është vetëm për 160 fëmijë.
