Vllaznia ka qenë surpriza e javës së 23-të të Kategorisë Superiore, pasi ka mposhtur Flamurtarin me rezultatin e thellë 3-0 në “Loro Boriçi”. Vlonjatët e nisën mirë takimin, duke kontrolluar lojën dhe duke iu afruar portës së shkodranëve. Por golin e parë do ta gjenin vendasit me një super-Vucaj nga goditje dënimi, ai realizon një gol spektakolarë nga një distancë prej 30 metrash.
Në minutën e 37-të, kuqeblutë gjetën edhe golin e dytë me Sukajn duke e mbyllur të parën në epërsinë e 2 gola, ndërsa në minutën e 47-të, ishte përsëri sulmuesi shkodran Xhevahir Sukaj, ai që shënoi golin e dytë personal dhe të tretin e takimit.
Vllaznia ishte pranë shënimit të golit të katërt, por Gilman Lika, gaboi nga pika e bardhe e penalltisë në minutën e 74, duke bërë që takimi të mbyllej me rezultatin 3-0. Një fitore mjaft e rëndësishme për skuadrën e Gjokës, ndërkohë Flamurtari është futur në krizë rezultatesh. Gati inekzistent ka qenë Flamurtari në këtë përballje, duke mos arritur të kërcënojë thuajse asnjëherë portën e Vllaznisë. Vllaznia me këtë tre pikësh mban vendin e tetë në renditje me 25 pikë të grumbulluara, ndërsa Flamurtari ruan vendin e tretë me 36 pikë.
