Orët e para të mëngjesit të 7 dhjetorit 1941, 353 avionë luftarakë japonezë sulmuan papritur bazën ushtarake detare amerikane në Pearl Harbor, në ishujt Hauai në Paqësor. 170 avionë amerikanë u shkatërruan pa arritur të ngriheshin në ajër. 19 anije luftarake amerikane, dolën jashtë përdorimit, 2400 ushtarë u vranë dhe 300 të tjerë u plagosën.
Japonezët zgjodhën të sulmonin pikërisht të dielën, pasi besonin se amerikanët do të ishin më pak të vëmendshëm. Në fakt, shumë ushtarakë amerikanë ishin ende në pizhame ose po hanin mëngjesin kur nisi sulmi. Ishte katastrofa më e madhe që kishte ndodhur ndonjëherë në historinë e ushtrisë amerikane. Amerikanët u shokuan.
Presidenti Ruzvelt thirri të nesërmen në një seancë të jashtëzakonshme Kongresin, dhe i shpalli luftë Japonisë. Në fakt sulmi mbi Pearl Harbour, nuk ishte një befasi. Vetëm një ditëpara sulmit, Shtëpia e Bardhë dekodoi një deklaratë japoneze të luftës.
Por presidenti nuk njoftoi për këtë komandën në Pearl Harbor. Shefi i operacioneve detare i tha presidentit të mos u besonte zërave për një sulm japonez. Lufta e Dytë Botërore, u bë lufta më e kushtueshme në historinë e Amerikës. Deri në fundin e saj, Amerika shpenzoi mbi 550 miliardë dollarë. Por fundi i asaj lufte, e bëri SHBA-në superfuqinë më të madhe në botë.
