Ish-ministrja e Mbrojtjes, Mimi Kodheli ka komentuar përgjimet e publikuar së fundmi nga gazeta gjermane “Bild” për shit-blerjen e votës nga PS-ja në zgjedhjet e viti 2017.
E ftuar në “Mbrëmje Ide”, teksa kërkoi që Prokuroria t’i shkojë deri në fund çështjes me synim për të zbuluar të vërtetën, Kodheli u shpreh se kush ka ditur, ka blerë vota, ndërsa ai që nuk ka ditur, sipas saj nuk ka fituar.
“Nëse flasim për moral më vjen pak e vështirë që dikush të ngrejë gishtin dhe të flasë për moral sepse këto që unë dëgjojë këtu i kam dëgjuar dhe i ka privuar mbi kurriz nga kundërshtarët e mi politikë që mbase edhe nga djemtë më të mirë që ka pasur politika aso kohe që janë dukur si djem esnafë. Kush ka punuar nën rrogoz ka ditur të manipulojë votat e njerëzve, ka ditur të prodhojë certifikata false, ka ditur të prodhojë dokumentacion false ka ditur të gënjejë paturpësisht dhe nuk ka realizuar asgjë nga ato që ka thënë. Ka ditur të blejë vota, dhe ai që nuk ka ditur nuk ka fituar. E drejta dhe as morali nuk rrijë në anën e askujt. Morali dhe e drejta rrinë vetëm tek ata që janë abuzuar sot që janë votuesit. Kështu që le ta hapim këtë kuti Pandore dhe lë t’i shikojmë gjërat me qetësi nga A-ja tek Zh-ja”, deklaroi Kodheli.
