Kryeministri Edi Rama ka komentuar për herë të parë përgjimet e VOA-s të publikuara mbrëmë. Kryeministri e cilësoi Zërin e Amerikës një zëdhënës të kazanit të Tiranës.
Fjala e Ramës:
Ka mbirë në gjuhën e miqve tanë rrugëhumbur shprehja “e tha Zëri i Amerikës”, domethënë “e tha Amerika”. Fatkeqësisht është e dyta herë që Zëri i Amerikës bëhet zëdhënës i kazanit të Tiranës. E dyta, në një kohë shumë të shkurtër. Herën e parë e demonstruam me qindra faqe të dokumentuara të gjithë gënjeshtërsinë mbi rekrutimet e punonjësve ndërsa këtë herë mund të them “asgjë e re nga fronti juaj”. Një sallatë fjalësh e cila nuk ka asnjë shans të çorodisë asnjë shqiptar të vetëm, zero.
Tani meqë e doni me Amerikën dhe meqë ju i dini shqiptarët kaq të pamësuar sa mund t;i tërhiqni mbas vetes duke thënë “ e tha Amerika” po ju them që me Amerikën, në komunikojmë drejtpërdrejt dhe pas kësaj fjale do jem i detyruar t’ju lë sepse jam në pritje të një komunikimi të drejtpërdrejtë me Shtëpinë e Bardhë. Do ju informoj patjetër./ TIRANA TODAY
