Një natë më parë një 20-vjeçari në Shkodër i është bërë atentat me armë zjarri. Sipas policisë I plagosur ka mbetur shtetasi Hermes Beqiri, i cili pas plagëve të marra është transportuar në Spitalin Ushtarak në Tiranë. 20-vjeçari ka vetëm një plumb në bark, por trajektorja e plumbit i ka prekur shumë organe duke bërë që të humbasë një sasi të konsiderueshme gjaku.
Gjatë të shtënave nga Elvis Hoxha në drejtim të Hermes Beqirit, plumbi ka mbetur në trupin e këtij të fundit.
Për rreth 8 orë, 20-vjeçari ka qëndruar në sallën e operacionit në spitalin e Shkodrës, dhe më pas në orët e vona të natës është transportuar me autoambulancë në Spitalin Ushtarak në Tiranë.
Hermes Beqiri vazhdon që të jetë në gjendje të rëndë shëndetësore. Policia pak pas plagosjes, arrestoi në fshatin Grudë autorin e dyshuar të ngjarjes, shtetasin Elvis Hoxha, bashkë me armën e krimit automatik kallashnikov. Dy të rinjtë kanë patur një konflikt më përpara, gjë e cila më pas ka sjellë edhe ngjarjen e rëndë.
Informacion Paraprak i Policisë
Më datë 04.11.2017, rreth orës 19.20, ka ardhur një telefonatë në sallën operative se në lagjen Guerrile Shkodër, vendi “Ish Zoteknika”, ka të shtëna me armë zjarri.
Menjëherë në vendngjarje kanë shkuar shërbimet e policisë ku nga verifikimet e para ka rezultura se në një lokal, është plagosur me armë zjarri shtetasi H. B. 20 vjeç, banues në Shkodër, nga persona ende të paidentifikuar. Shtetasi i lartëpërmendur ndodhet në Spitalin Rajonal Shkodër, në gjendje të rëndë për jetën. Janë ngritur pika kontrolli dhe po behët krehja e zonës dhe po punohet për identifikimin e kapjen e autorit/ve. Janë shoqëruar disa persona në cilësinë e deshmitarit në D. V. P. Shkodër Po kryhen veprimet me grup hetimor për sqarimin e rrethanave të ngjarjes.
