Pesë persona janë plagosur në Tetovë si pasojë e një sherri mes dy grupeve. Ngjarja ka ndodhur në orët e para të mesnatës, në rrugën “Dervish Carra”, në një bar kafe.
Sipas dëshmitarëve, në vendngjarje ka pasur të shtëna me armë si dhe përplasje me mjete si xhama dhe shishe.
Mësohet se nga sherri janë plagosur 5 persona, njëri prej tyre nga arma e zjarrit dhe katër të tjerë nga mjete tjera si xhama dhe shishe, kanë konfirmuar nga spitali i Tetovës, ku janë transportuar menjëherë të lënduarit.
Sipas medieve vendase, personi i plagosur nga përleshja është personi me inicialet A.M, i cili mendohet se ka qenë sigurim në lokal.
Ndërsa të lënduarit tjerë janë: A.S nga Gostivari dhe vajzat E.I dhe E.Z.
Ende nuk dihen motivet e përplasjes, por policia po punon për zbardhjen e plotë të ngjarjes.
