Festa e ditës së pavarësisë së Shqipërisë nuk ka kaluar pa përplasje të dhunshme ku disa persona janë konfrontuar me thikë në sheshin “Trafalgar”në Angli.
Në videon shfaqen momentet e frikshme ku disa persona përfshihen në sherr duke goditur njëri-tjetrin me grushte, por duke përdorur edhe mjete prerëse të llojit thikë.
Në këtë moment duket qartë se një individ shkon dhe përplaset me një grup tjetër, që mendohen se mund të jenë banda rivale në Britaninë e Madhe.
Pas sherrit me grushta shikohet një person që qëllon për disa herë pas shpine një person tjetër duke e lënë të plagosur. Ngjarja ka ndodhur jashtë Galerisë Kombëare të martën e 28 nëntorit.
Policia me anë të një prononcimi thotë se mbërritja në vendin e ngjarjes ka qenë në kohë rekord, por nuk ka mundur të kap autori që përdori thikën, por as të plagosurin e kësaj përplasjeje.
Një zëdhënës policie thotë së: Policia në Westminster u thirr të martën, më 28 nëntor, në orën 21: 25 për një përplasje para Galerisë Kombëtare, Trafalgar Square, WC2 në festën e 105-vjetorit të pavarësisë së Shqipërisë.
Sakaq, nuk jepen detaje të tjera se kush mund të jenë personat e përfshirë në këtë përplasje dhe nuk jepen shkaqet që çuna në zënkën mes tyre.
Në vendin e ngjarjes janë dëgjuar brohorima dhe të bërtitura, ndërsa personat që duken në video mbajnë të veshur disa rroba me ngjyrë të zezë. Policia ende nuk ka zbardhur rrethanat e kësaj ngjarja të ndodhur me rastin e 105-vjetori të pavarësisë së Shqipërisë.
