Një aksident me pasojë vdekjen e një 16-vjeçari ka ndodhur në orët e para të mëngjesit në aksin Shkodër-Velipojë. Rreth orës 06:00, në aksin rrugor Shkodër–Velipojë, në vendin e quajtur “Trush i Poshtëm”, shtetasi L. L., duke drejtuar mjetin tip “Benz” është përplasur me një mjet buqësor (motokorrëse) që po dilte nga një rrugë dytësore për në rrugën kryesore. Për pasojë ka ndërruar jetë drejtuesi i motokorrëses, shtetasi me inicialet O.G. 16 vjeç, banues në fshatin Trush. Aksidenti dyshohet të ketë ndodhur për shkak të mungesës së fushëpamjes, si pasojë e mjegullës.
Njoftimi
Shkodër/Informacion paraprak
Më datë 24. 08.2021, rreth orës 06:00, në aksin rrugor Shkodër –Velipojë, në vendin e quajtur “Trush i Poshtëm”, shtetasi L. L., banues në lagjen “10 Korriku”, Shkodër, duke drejtuar mjetin tip “Benz” është përplasur me një mjet buqësor (motokorrëse) që po dilte nga një rrugë dytësore për në rrugën kryesore dhe për pasojë ka ndërruar jetë drejtuesi i motokorrëses shtetasi O.G. 16 vjeç, banues në fshatin Trush.
Shtetasi L.L., është shoqëruar në ambjetet e DVP Shkoder për veprime te mëtejshme
Aksidenti dyshohet të ketë ndodhur për shkak të kushteve atmosferike (mungesës së fushëpamjes si pasojë e mjegullës)
Grupi hetimor ndodhet në vendngjarje dhe vijon punë për sqarimin e rrethanave të aksidentit.
