Një aksident me pasojë humbjen e jetës së një 33-vjeçari ka ndodhur gjatë natës në kryeqytet. Policia njofton me anë të një reagimi zyrtar, se shtetasi me inicialet R.K., ka humbur kontrollin e mjetit dhe ka dalë nga rruga. Për pasojë ka ndërruar jetë në vendngjarje.
Gjatë ditëve të fundit janë regjistruar shumë aksidente në Tiranë, me pasojë jetën. Ky muaj ka qenë me bilance tragjike, ndërsa është vënë re lëvizja e mjeteve ndonëse në shkelje të orës policore.
Njoftimi:
Policia njofton se rreth orës 01:30, në rrugën “Sulejman Delvina” shtetasi R. K. 33 vjeç ka humbur kontrollin e mjetit dhe ka dalë nga rruga dhe për pasojë ka ndërruar jetë në vendngjarje. Grupi hetimor po punon për sqarimin e rrethanave të ngjarjes.
