Presidenti i Real Madrid, Florentino Perez ka përfituar nga Asambleja e ortakëve të klubit për të rregulluar llogaritë me ato që kanë ndodhur kohët e vendit tek madrilenët. Huazimi i miratuar për restaurimin e “Santigao Bernabu” ka qenë një fitore ekonomike, por edhe politike për “El Presi”. Perez ka përfituar nga rasti për të folu për gjithçka, ku nuk kanë munguar elozhet për Ronaldon dhe Zidane të cilët tashmë janë larguar, por që kanë lënë një plagë të madhe tek ‘merengues’.
“Ronaldo është golashënuesi më i mirë në historinë e klubit, e historia e tij do të kujtohet brez pas brezi. Për mendimin tim, ai ishte pasuesi i denjë i Di Stefanos. Dua të falënderoj pafundësisht Cristianon. Zizou do të jetë gjithmonë një pikë referimi për ne. Si trajner i ekipit të parë, ai ka hyrë në historinë si një prej njerëzve më të mëdhenj të Real Madrid. Edhe ai, si Cristiano, e di shumë mirë se kjo do të jetë gjithmonë shtëpia e tij”.
Por situata me tifozët e zemëruar për këto dy humbje të mëdha të Realit duket se ka kaluar limitet dhe Perez ka vendosur ti bëjë publike, për ti sensibilizuar sa më shumë tifozët. Siç shkruan “Marca” ata e kanë ekzagjeruar, duke sulmuar edhe varrin e gruas së presidentit. “Kur vendos kapelen e presidentit, e bëj në çdo aspekt. Dhe të dhunshmëve u kërkoj të bashkohen me ne, por duhet të heqin dorë nga dhuna. Deri më sot nuk e kam thënë asnjëherë, por nuk e di sa herë ma kanë dëmtuar shtëpinë. E kanë bërë një gjë të tillë edhe me varrin e gruas sime”, ka thënë Perez.
Gjeste të pafalshme në vendin e prehjes së Maria Angeles Sandoval, bashkëshortja e adhuruar e Florentinos, e cila është ndarë nga jeta në 2012-ën. Me sa duket, ata që fajësojnë Perez nuk janë ndalur as para një humbjeje kaq shkatërruese. Megjithatë, Perez nuk është frikësuar dhe nëse sot Real ka pesë Champions League më shumë nga sa ishin në 2000-in, viti i zgjedhjes së tij të parë si president i klubit, kjo ka ardhur falë politikave të tij.
Dhe e ka kujtuar këtë fakt me krenari dhe fjalë shumë të qarta. “Jam kthyer në 2009-ën për të bërë të mundur që ju të jeni sot delegatë të Real Madrid dhe jo të një klub të marrë fund ose të Atletico-s… Jam kthyer për të rigjeneruar këtë asamble. Pavarësisht se kemi patur shumë vështirësi, jam me të vërtetë i kënaqur për atë që kemi arritur të bëjmë”.
