Të mbyllësh karrierën tek Real Madrid është shumë e vështirë edhe pse ti mund të kesh dhënë për klubin dhe ta ndihmosh në suksese të mëdha. E tillë është politika e ekipit mbretërorë, që do të qëndrojë gjithmonë në majë dhe kjo arrihet duke pasur në përbërje elementë të rinj,të fuqishëm dhe cilësorë.
Cristiano Ronaldo është legjenda e Real Madrid dhe duket se raportet me klubin sa vjen dhe krisen, që mund të çojë në një divorc të dhimbshëm. Portugezi ka kërkuar rinovim kontrate dhe përmirësim të përfitimeve, por duket se nuk është aprovuar nga Perez. Në këtë mënyrë Ronaldo më pas ka kërkuar që të largohet nga ekipi.
Faktikisht nuk është hera e parë që ndodh diçka e tillë, sa herë që Cristiano ka kërkuar rinovimin, e ka arritur me presionin se ai do të largohet, kujtojmë në 2013 dhe në 2015. Por këtë herë duket se historia nuk do të përsëritet dhe Fiorentino Perez ka dhënë ok, për një largim të mundshëm nga Madridi të fituesit të 5 topave të artë.
Mediat portugeze raportojnë se, presidenti Florentino Perez i ka dhënë leje agjentit të lojtarit, Jorge Mendes, që të punojë për largimin e Ronaldos në ndonjë klub tjetër. Edhe pse 33 vjeç, Real Madridi nuk e ka ndërmend ta lirojë lojtarin pa përfituar. Real Madridi kërkon 100 milionë euro për Ronaldon. Dy klubet që interesohen më shumë për yllin portugez janë Manchester United dhe Paris Saint Germain.
