Ka mbetur dhe një javë nga afati i transferimeve në Spanjë dhe Real Madrid duket se do të punojë fort për të gjetur zëvendësuesin e Cristiano Ronaldos. Presidenti Florentino Perez i ka idetë e qarta se vetëm një lojtarë është në gjendje të zëvendësojë yllin portugez tek “Los Blancos”. Dhe zëvendësuesi ideal është francezi kampion bote, Kylian Mbappe.
E përgitshmja spanjolle “AS” zbulon se Perez është në pritje të marrjes së një vendimi nga UEFA sa i përket “fair play financiar” mbi skuadrën franceze të PSG-së. Në rast se parisienët nuk kalojnë provën dhe të plotësojnë kushtet e duhura, atëherë ata do të duhet të shesin një nga yjet e skuadrës, në të kundërt duhet të përballen me sanksione të mëdha.
Dhe në këtë rast Real do të hidhej në sulm për të marrë Mbappe, talentin 18-vjeçar, për të cilin është gati të paguajë çdo shifër. PSG, në rast se dënohet nga UEFA, do të jetë i detyruar të ulë me 250 milionë euro borxhet dhe shitja e Mbappe është mundësia e vetme për të realizuar këtë gjë.
