Reali i Madrid e ka nisur këtë sezon në mënyrën ë të keqe, pasi është eliminuar nga Kupa e Mbretit dhe shpresat për kampionat janë shumë të venitura. E vetmja garë që ka mbetur është Champions ku do të përballen me gjigantin parisien, PSG. Madrilenët janë duke menduar për të ardhmen dhe janë piketuar tre lojtarë nga Perez. Sipas medies britanike, në shënjestrën e “Los Blancos”-ve janë vënë 3 futbollistë të Premier League: David De Gea, Eden Hazard e Harry Kane.
“Daily Mail” raporton se do të ketë shpenzime të çmendura, ku vetëm për Kane dhe Hazartd mund të shpenzohen rreth 460 milionë euro, ndërsa për DeGean spanjollët kanë rezervuar 110 milionë euro. Por, Reali i Madridit nuk do ta ketë të lehtë në bisedimet me klubet respektive të këtyre lojtarëve, pavarësisht shifrës marramendëse që ka përgatitur. Në rastin e Kane, klubi “merengues” do të duhet të negociojë me presidentin Daniel Levy, një detyrë kjo jashtë mase e vështirë.
Hazard është objektivi më i mundshëm, pasi vetë lojtari kashprehur dëshirën për të luajtur në “Bernabeu”, por belgu nuk ka shprehur edhe dëshirën për të rinovuar me Chelsean. Ndërsa për De Gean, Manchester United nuk ka ndërmend të privohet prej tij dhe tashmë i ka propozuar rinovimin e kontratës, duke i bërë një ofertë të majme. Për më tepër, trajneri Mourinho dëshiron që spanjolli të qëndrojë përjetësisht te “djajtë e kuq”.
Ndryshimi tjetër pritet të ndodhë në pankinë, ku Real Madrid synon të nënshkruaj me Mauricio Pochettino. Por edhe në këtë rast, spanjollët duket se do ta kenë jashtë mase të vështirë për të arritur tek ai, pasi argjentinasi ka me Tottenhamin një kontratë deri në vitin 2021, ndërkohë që raportet mes tij e Daniel Levyt janë të shkëlqyera, me këtë të fundit që është shprehur se dëshiron që Pochettino të qëndrojë në stolin e “Hotspurs” për 10-15 vite.
