Ish-mbreti i boksit, Mike Tyson, ka habitur me deklaratat e tij në intervistën e fundit të dhënë për Espn.
Në një moment gjatë intervistës, Tyson ka pranuar se ka përdorur urinën e vajzës së tij për të kaluar testet antidoping.
“Doja të përdorja atë të bashkëshortes”, u shpreh ai, por gruaja kishte refuzuar me pretekstin se do kuptohej, pasi mund të rezultonte shtatzënë.
“Si ja bëja? Përdorja një penis fals, që e mbante gjithmonë me vete personeli i stafit tim mjekësor”, deklaroi ai.
Prej vitesh ai ka luftuar me kokainën dhe alkoolin, por kur mundej, Mike ka pranuar që përdorte drogë.
Ai ka shpjeguar gjithashtu edhe se si ja bënte për të shmangur kontrollet, që të mos zihej ‘mat’.
“Pjesa më e madhe e meshkujve ndjenin siklet, teksa shihni një organ gjenital mashkullor dhe kështu të gjithë gjyqtarët kthenin kurrizin kur merrja urinën, duke më dhënë mundësinë të përdorja trukun”, shpjegon Tyson.
Ish-mbreti i boksit shkatërroi pasurinë e tij prej 300 milion dollarësh, për shkak të një jete të shthurur me shpenzime marramendëse vilash luksoze, veturash të shtrenjta, bashkëshorte, dashnore dhe divorceve të tij.
Në dhjetor të 2006 ish boksieri më i madh i të gjitha kohërave, u arrestua në Arizona, pasi u kap me kokaine dhe në gjendje të dehur teksa i jepte makinës, pasi kishte kaluar një makine policie teksa largohej nga një lokal nate.
