Përdorimi i smartphone pothuajse gjatë gjithë kohës, ka ndikuar jo vetëm në jetën tonë, por edhe në mënyrën se si ecim.
Ky është përfundimi i arritur pas një studimi të realizuar nga Anglia Ruskin University, i cili është publikuar nga Plos One.
Në studim janë analizuar 21 persona me gjurmues okularë dhe sensorë analizash të lëvizjes, duke i vënë para pengesa që për nga gjatësia ishin të ngjashme me frenuesit e rrugës.
Më pas u vëzhguan persona që përdornin smartphone teksa ishin duke ecur, të cilët u vu re se shihnin më pak në tokë dhe për pak kohë.
Kështu, kur ne përdorim smartphone-in nuk shohim ku i hedhim këmbët, pasi jemi të fiksuar pas ekranit dhe përshtatim stilin tonë të ecjes në mënyrë që të përballojmë pengesat statike në mënyrë të sigurt, si dhe vihet re një mënjanim gjatë ecjes.
Kjo është edhe arsyeja që janë bërë shpesh aksidente për shkak se njerëzit përdorin celularët “e zgjuar” gjatë ecjes.
