Ministri i Brendshëm Sandër Lleshaj është përplasur në Kuvend me ish-kryeministrin Berisha. Ky i fundit i quajti përdhunues anëtarët e mazhorancës, ndërsa akuzoi Policinë e Shtetit se ka fshehur krimin.
“Policia ishte në anën e përdhunuesve dhe fshehu krimin. Kjo është një mazhorancë përdhunuesish. Kryeministri ishte në anën e përdhunuesve, heshtën, fshehën krimin! Përsëritën të njëjtin skenar këta përdhunues që përsëriten të njëjtin skenar me djalin e deputetit të tyre. Këta kanë moralin e përdhunuesve”, tha Berisha.
Më tej, Lleshaj menjëherë mori fjalën, ku replikoi në distancë sërish me Berishën, i cili e quajti “kriminel”. Lleshaj iu përgjigj kështu ish-kryeministrit:
Theksoj me forcë që rasti i Kavajës është trajtuar nga Polciia e Shtetit në momentin zero kur Policia e Shtetit ka marrë dijeni. Policia e Shtetit ka reaguar në momentin zero, më 29 janar. Ka referuar cështjen në Prokurori, pra e ka bërë publike atë dhe së treti të gjitha akuzat kundër Policisë së Shtetit janë dashakeqe për të nxirë një institucion në shërbim të qytetarëve. Policia e Shtetit i ka arrestuar përdhunuesit para se lajmi është bërë publik. Juve t’ju vijë turp! (i drejtohet Berishës).
Mua kriminel s’më thoni dot ju, se i kam duart e bardha unë, s’i kam duart e skuqura!/ TIRANA TODAY
