Një shqiptar ka marrë dënimin prej 50 vitesh për veprën e rëndë penale, përdhunim.
Ai është dënuar nga gjykata greke pasi akuzohet se prej vitesh rrjesht përdhunonte të bijën e mitur.
Për këtë ngjarje të rëndë është dënuar me 15 vite burg edhe bashkëshortja e tij, e cila ishte në dijeni për veprimet monstruoze të të shoqit dhe nuk kishte bërë asnjë denoncim.
38-vjeçari B.H., nga Tepelena ishte arrestuar në maj të vitit të kaluar, i akuzuar se abuzonte seksualisht me të bijën 13-vjeçare.
