Kreu i Partisë Republikane, Fatmir Mediu, është parë sot në kafe me sekretarin e përgjithshëm të Kryeministrisë, Ëngjëll Agaçin.
Nga një foto e siguruar nga “Express”, duket Mediu dhe Agaçi, duke konsumuar një kafe në zonën e Liqenit të Thatë. Ata kanë qëndruar rreth një orë e gjysmë duke biseduar me njëri-tjetrin.
Nuk dihet se për çfarë po bisedon sekretari i Kryeministrisë me ‘kundërshtarin’ politik të kryeministrit, pasi edhe Mediu, së bashku me partitë e tjera opozitare, kanë vendosur për të mos u regjistruar në KQZ, si subjekte politike, që do të marrin pjesë në zgjedhjet e përgjithshme të qershorit.
