Kryetari “i ngrirë” i Partisë Demokratike i është rikthyer PD-së së vjetër.
Pas dështimit të ashtuquajturës “Republika e Re”, Basha ka zhdukur simbolet e kësaj të fundit, duke rikthyer simbolet e hershme të demokratëve.
Para pak orësh, faqja zyrtare e Lulzim Bashës ndryshoi foton e kopertinës, ku vuri simbolet e PD-së së vjetër, duke hequr atë të “Republikës së Re”.
Sigurisht, këtu ndikon edhe fushata që tashmë, pas humbjes së thellë të zgjedhjeve parlamentare, i duhet ta bëjë për ta mbajtur së paku postin e kreut të PD-së.
Kështu, në përpjekje për ta siguruar kreun e opozitës në 4 vitet e ardhshme, Basha bën lëvizjen e radhës në tentativë për të fituar “zemrën” e demokratëve skeptikë dhe kritikë ndaj tij.
Refuzimi i kandidaturës së Astrit Patozit nga struktura e PD-së, i ka hapur rrugë Bashës për sigurimin e një tjetër fitoreje, teksa përballë tij qëndron Eduard Selimi, i cili duket se po ashtu nuk u jep siguri kritikëve demokratë.
