Sulmuesi kroat Pero Pejiç ka braktisur Kukësin dhe është rikthyer në vendlindjen e tij. 34-vjeçari ka firmosur një kontratë njëvjeçare me Slaven Belupo, në Kroaci.
Pejiç i cili ka arritur një sukses historik me skuadrën e Kukësit, duke fituar edhe “Këpuca e Artë” të Kategorisë Superiore në Shqipëri edicionin e kaluar do të veshë tashmë fanellën e skuadrës kroate.
Transferimi i tij është bërë me parametra zero, pa asnjë kompensim nga Kukësi, ku në 32 ndeshje të sezonit të kaluar shënoi 28 gola.
Sulmuesi i ri i Slaven Belupo ka qenë një yll në Shqipëri, ku në tri sezone (2013/14, 2014/15, 2016/17) ka qenë golashënuesi më i mirë i kampionatit. Në total ka luajtur 259 ndeshje, duke shënuar 147 gola, respektivisht me fanellat e Dinamos (Tiranë), FC Faisaly, Flamurtari, Skënderbeu, Esteghlal, Sesvete dhe Kapfenberg.
