Deputeti i opozitës së re, Halit Valteri ditën e sotme në Kuvend komentoi abuzimin e të miturës (15 vjeç) në Babrru të Kamzës nga një 65-vjeçar.
Valteri bëri thirrje që të rikthehet dënimi me vdekje dhe pedofilët të varen në mes të qytetit:
“Kush është pedofil të varet në mes të qytetit. Ta rikthejmë dënimin me vdekje dhe njëherë se këta maskarenj nuk meritojnë të jetojnë.
Bëj thirrje ta diskutojmë të flasim dhe njëherë, kush përdhunon fëmijë të varet në mes të qytetit”.
Kryetari i Kuvendit Gramoz Ruçi iu përgjigj thirrjes së tij, teksa theksoi se për këtë ngjarje të pakëndshme do të flasë posaçërisht Ministrja e Arsimit Besa Shahini.
Kujtojmë se lidhur me reagimin brutal të policisë pas shembjes së Teatrit Kombëtar, pritet që sot në Kuvend të zhvillohet një interpelancë me Ministrin e Brendshëm Sandër Lleshaj.
