Aktualisht janë numëruar 19 nga 64 kuti që do po rinumërohen në KQZ.
Deri më tani, PDIU ka marrë 16 vota më shumë, krahasuar me rezultatet e dala nga numërimi më 25 qershor.
Ky ndryshim i votave ka shtyrë nënkryetaren e PDIU-së të bëjë një thirrje tjetër, ku kërkon që të rinumërohen të gjitha kutitë e votimit në qarkun e Tiranës.
Madje, Dosa i bën thirrje opozitës që të bashkohen për të kërkuar këtë rinumërimin, me arsyetimin se në asnjë kuti, rezultati nuk ka qenë i njëjti.
“Deri tani asnjë kuti votimi nuk ka të njëjtin rezultat si në procesverbale. I domosdoshëm numërimi i gjithë Tiranës, pasi kanë futur duart në votat e pavlefshme, kanë përvetësuar e vjedhur sa kanë mundur, kanë shkatërruar gjithë procesin. I bëj thirrje gjithë Frontit opozitar të kërkojmë numërimin e gjithë Tiranës. Mandatet janë vjedhur e kanë lëvizur në tavolinë”, tha Doda në mesazhin e saj.
