Partia Demokratike ka vijuar me sulmet ndaj qeverisë lidhur me aferën e inceneratorëve. Komisioni hetimor i inceneratorëve, mbylli punimet më 25 shkurt, ndërsa përgjatë disa javëve zhvilloi seanca dëgjimore me krerë bashkish, pronar të inceneratorëve dhe kryeministrin Edi Rama. Tashmë PD do të depozitojë një padi penale për kryebashkiaken e Durrësit, Emirjana Sako, pasi refuzoi që të përgjigjej në Komisionin Hetimor për inceneratorët. Deputetja e PD-së, Ina Zhupa, në një dalje publike për mediat tha se Sako nuk pranoi t’i përgjigjej pyetjeve të komisionit, duke u larguar nga mbledhja ku ishte thirrur për të dëshmuar. Sipas PD-së, Sako e çoi Durrësin në katastrofë mjedisore, duke favorizuar sipas tyre inceneratorin.
“PD ka nisur denoncimin e kesaj afere prej vitesh. Komisioni i Inceneratorëve vërtetoi atë që ka thënë PD, qe qeveria “Rama” vodhi 430 mln euro. Ne fund te konferencës do dorëzojmë padi penale ne SPAK. Sot do shpjegoj skemën korruptive, mafioze te mbetjeve ne qytetit te Durrësit qe ka përgjegjës direkt znj.Emiriana Sako, pjese e kësaj skeme kriminale eshte edhe z.Alqi Bllako qe është gjithashtu edhe ne këtë skeme te mbetjeve te qytetit të Durresit.
Znj.Sako u paraqit ne Komisionin Hetimor per inceneratoret dhe nuk arriti dot qe ti përgjigjej pyetjeve te komisionit dhe u largua pa dhene përgjigjet, qe kishin nevojat qytetarët e Durrësit dhe gjithë shqiptareve.
Sigurisht qe edhe refuzimi per t’iu përgjigjur pyetjeve edhe kjo është pjese e padisë penale. Skema mafioze e menaxhimit te mbetjeve ne qytetin e Durresit ka nisur ne datën 10.07.2018 me vendim numër 537 te Këshilli Bashkiak te Durrësit, i cili i drejtohej Komitetit te AKUM PER shpalljen e gjendjes se emergjencës dhe gjetjen e zgjidhjes per sa i përket mbetjeve me qytetin e Durresit.
10.07.2018 ku ishte evidentuar dhe me pas mbyllja e Porto Romanos dhe nevojës per te depozituar mbetjet e qytetit te Durresit ne nje qytet tjeter, deri në 10.06.2019, nuk është bere asgjë. Nje vit e gjysem qe Emiriano Sako me veprimet dhe mosveprimet e saj, ka çuar Durresin drejt nje katastrofe mjedisore, duke mirë menduar qe kjo t’i shërbejë aferës se inceneratoreve”, tha Zhupa.
