Në takimin e 12-të të Stabilizim Asociimit, deputetët e Partisë Demokratike kërkuan informacione në lidhje me prodhimi dhe trafikimin e lëndëve narkotike. Dy deputetët e PD-së, Aldo Bumçi dhe Genc Pollo në fjalën e tyre cituan raportet e fundit të EUROPOL dhe raporteve të Guardia di Finannza, që sipas tyre tregojnë se shifra e drogës që shkojnë nga Shqipëria në vendet e tjera janë në rritje të vazhdueshme.
Bumçi dhe Pollo kërkuan informacione në lidhje me të vërtetën, pasi ata deklaruan se shikohet çdo ditë bllokimi i trafikantëv në Itali, por jo vetëm, ndërsa si origjinë e drogës është Shqipëria.
Ambasadorja e BE-së në Shqipëri, Romana Vlahutin, teksa iu përgjigj pyetjeve, ka deklaruar se “Jemi te kujdesshëm dhe po presim rezultatet e mbikëqyrjes së vitit 2018. Raporti i Guardia di Finannza thotë se ka një ulje të madhe të trafikut të drogës për vitin 2017”.
Retorika e ambasadores së BE-së në Shqipëri, ishte e kundërta e asaj që deklaruan deputetët e PD-së gjatë diskutimeve, ndërsa mediat dhe policia italiane tregon se trafiku i drogës është një problem i madh, ndërsa trafikantët drogën e sigurojnë në të shumtën e rasteve nga Shqipëria.
