Partia Demokratike dhe Lëvizja Socialiste për Integrim kanë kallëzuar në Prokurori, kryeprokuroren e përkohshme të Përgjithshme, Arta Markun.
Kallëzimi penal përfaqësohet nga kryetarët e grupeve parlamentare të dy partive opozitare më të mëdha në vend, Edmond Spaho dhe Petrit Vasili. Kallëzimi mban numër protokolli 563-D, si dhe akuzon Kryeprokuroren për shpërdorim detyre.
Në kallëzimin e bërë ndër të tjera PD e LSI kërkojnë dhe ndalimin e ushtrimit të detyrës nga ana e Markut përkohësisht, deri në përfundim të hetimit.
